Taqu nniqun na Mksingut qasa, gigway yabux na pinhapuy mami ru yabux na tnahuk rramat ma. Maki qutux ryax , ktan na Tayal qu pin-hapuy nqu Mksingut, tuliq qu Tayal si nya 'bran kwara qu mami ru rra-mat na Mksingut qasa, ini tmasuq maniq ga shnglan na squliq Mksingut Ia. Kmal qu Mksingut mha "Swa su qriqun qu pinhapuy maku? ana uzi ga phtuwinu qu wal sa niqun qasa Ipi? iyat su nya htulan Iga" . Smyuk qu Tayal hiya mha "baliy yan Mksingut qu sami ka Tayal hiya ka ana bling na qcyan ungat ! sami hiya ga kya gu pinnzil myan ga s'in-ggyut myan mstanux sami" . Ke' kasa ga stalam nya mstanux ma.

　　Llungun nqu Mksingut qu knita nya lru kmal mha " iyat baqun kbalay qu bing na qcyan myan hiya? teta yan smunan iyat nanak yabux na pinhapuy qu niqun myan." Syukun nqu Tayal kmal mha " aw, kblayaw maku qu Ming qcyan su, teta su yan sami ka manly simu mami ru rramat ga psquciy mamu uzi " . mzimu balay qu Mksingut qasa. ssul?ing baliq nqu Tayal , mtalah qu snuling nya baliq Iga, sbaytaq nya sa qcyan na Mksingut. si kta ka "zyus..... zyus.....” mha ru wal mhngu squ qsahuy na qcyan na Mksingut la, ini lawa ktwa wal si gluw mstkara ru mhoqil qu Mksingut qasa uzi Iru wal mgyay qu Tayal la.

　　Kya uzi qu ana ini swaliy pgluw squ hongu ga, si balay qihul mha“pglgiy sami hongu na utux uzi ”mha qu yaqih na squliq. Nanu yasa qu si nha qhliy hmawak ru tehuk squ kska na hongu lga sruruw nha Iru wal mhutaw squ zik na hongu. ktan lga cyux si nga maniq na bibing ru qulis Ima.